ye na thii hamaarii qismat ke visaaleyaar hotaa
agar aur jiite rahate yahii intazaar hotaa

tere vaade par jiye ham to ye jaan jhuuTh jaanaaN
ke Khushii se mar na jaate agar aitabaar hotaa

koii mere dil se puuchhe tere tiireniimakash ko
ye Khalish kahaaN se hotii jo jigar ke paar hotaa

kahuuN kis se main ke kyaa hai shabeGam burii balaa hai
mujhe kyaa buraa thaa maranaa agar ek baar hotaa