kabhii yuuN bhii aa merii aaNkh men ke merii nazar ko Khabar na ho
mujhe ek raat nawaaz de magar uske baad sahar na ho

vo baDaa rahiimokariim hai mujhe ye sifat bhii ataa kare
tujhe bhuulane kii duaa karuuN to duaa men merii asar na ho

kabhii din kii dhuup men jhuum ke kabhii shab ke phuul ko chuum ke
yuuN hii saath saath chalen sadaa kabhii khatm apanaa safar na ho

mere paas mere habiib aa zaraa aur dil ke qariib aa
tujhe dhaDakanon men basaa luuN main ke bichhaDane kaa kabhii Dar na ho